தற்செயலாக ஒரு விதியை
கண்டுபிடித்தேன்
‘நினைவுக்கும், ஞாபகத்திற்கும்’ இடையேயுள்ள LEXICON வேறுபாடுகளோ,
Etymological விளக்கங்களில்
கிடைக்கும் வியாக்கியானங்களில் அக்கறையில்லை
ஞாபகம் தப்பி விட்டது
நினைவு மறந்து விட்டது
எழுதமுடியாதவற்றை
TRANSITION
EFFECT
என்று சொல்லி விடலாம்
எழுதியவற்றை கவிதை என்று
பொய் சொல்லலாம்
பகடி செய்யலாம்
கிழித்தவற்றை,
ஒட்டிப் பார்க்கலாம்
தைத்தும் பார்க்கலாம்
என்றைக்கோ
காலியான லஞ்ச் பாக்ஸை
தினம் தினம் சுமந்து செல்கிறேன்
எதற்கோ
சிரிக்க ஒரு காரணமிருக்கிறது
அழுதிட ஒரு காரணமிருக்கிறது
வலி கொஞ்சம் கொஞ்சமாய்
முன்னேறி விபரீதத்தை நிகழ்த்தும்.
அஞ்சலிக் கட்டுரைகளில்
எழுத்துப்பிழை இருக்கலாம்
தவறில்லை.
ஆங்!!
ஞாபகம் வந்துவிட்டது
ஞாபகம் வந்துவிட்டது
நினைவு தப்பிவிட்டது எனக்கு
ஜீவ கரிகாலன்
 |
| lonely - deviant art |
கருத்துகள் இல்லை:
கருத்துரையிடுக