தேவாலயத்தின் ஆடம்பர தட்டுகள்
இரண்டினில்
கட்டளையின் பெயரில்
நமக்கு உணவு பரிமாறப்படுகிறது
அதை நான் மஃபின் என்றேன்
அதை நான் மஃபின் என்றேன்
நீயோ அது
கப்பிகேக் என்கிறாய்
இரண்டும் பேக்டு
உணவு தானே என்றேன் -இருந்தும்
உணவு தானே என்றேன் -இருந்தும்
இரண்டும் வேறு
வேறு
கேக்ஸ் தானே என்றாய்
பிறகு
நீயாக வருத்தமடைகிறாய்
கேக்ஸ் தானே என்றாய்
பிறகு
நீயாக வருத்தமடைகிறாய்
கோபம்
கொள்கிறாய்
டைனிங் டேபிளின்
எனது இருக்கையில்
மை ஊற்றப்படுகிறது.
கிரீடம் உன் தலையில்
கிரீடம் உன் தலையில்
எப்படியோ தெரியவில்லை
உன் அரசாட்சியின்
புதிய ஏற்பாடுகள்
அப்பத்தை இடம்பெயறச்
செய்கின்றன
வைன் ஊற்றப்பட்ட
கப்பிக் கேக்
புனிதமாக்கப்படுகிறது
ஜெர்ரி பழங்களில்
இருக்கும் அக்ரலிக்
வண்ணங்களை
நான் விஷம் எனப்
பிரச்சாரம் செய்கிறேன்.
நித்தமும் போஷித்து
வரும்
உனது தற்கால எதிரியின்
வேண்டுகோள் இதுதான்.
சிலுவையில் அறை,
கல்லால் அடி,
எப்படியோ கொன்று
போடு
ஆனால் சாப்பிட்டாயா
என்று
மட்டும் கேட்காதே!!
***
க்ளிஷே இல்லை
இது வைனில் ஊற்றிவைக்கப்பட்ட
வந்தனம் – ஆமென்.
ஜீவ கரிகாலன்
கருத்துகள் இல்லை:
கருத்துரையிடுக